سوال :ایک شخص فوت ہوچکا ہےان کے ورثا ءمیں ایک بیوہ اور پانچ لڑکیاں ہیں تین شادی شدہ ہیں اور دو غیر شادی شدہ ہیں ۔اس کے علاوہ پانچ سگے بھتیجے اور تین سگے بھتیجیاں ہیں مرحوم کی میراث مذکورہ ورثاء میں کس حساب سے تقسیم ہوگی؟
الجواب وباللہ التوفیق
صورت مسؤلہ میں تقسیم میراث سے قبل تین حقوق کی ادائیگی لازم ہے تجھیز وتکفین کےاخراجات کے بعد میت پر اگر کسی کا قرضہ ہو، اگرچہ اس میں میت کا تمام تر کہ کیوں نہ چلا جائے اس کے بعداگرمیت نے کوئی وصیت کی ہو تو ایک تہائی تک ادا کرنے کے بعد باقی مال سے آٹھوں حصہ ان کی بیوہ کو ملے گا۔
چنانچہ قرآن مجید میں ہے۔ فَاِنۡ كَانَ لَـكُمۡ وَلَدٌ فَلَهُنَّ الثُّمُنُ مِمَّا تَرَكۡتُمۡ [1]
اور میت کی بیٹیوں کو دو تہائی مال ملےگا ،جوان پر برابر تقسیم ہوگا ۔ قرآن مجید میں ہے: فَاِنۡ كُنَّ نِسَآءً فَوۡقَ اثۡنَتَيۡنِ فَلَهُنَّ ثُلُثَا مَا تَرَكَ:[2]
اب جو مال بچ جائے میت کے سگےبھتیجوں پرتقسیم ہوگا اور بھتیجیوں کو نہیں ملےگا کہ میراث کا قاعدہ ہے ۔کہ ہر وہ خاتون جس کا متعین حصہ میراث میں نہ وہ بھائی کی وجہ سے عصبہ نہیں بنے گی چنانچہ میراث کی مشہور کتاب سراجی میں وہ قاعدہ ان الفاظ کے ساتھ مذکور ہے:
ومن لا فرض لھا من الاناث واخوھا عصبۃ لاتصیر عصبۃ باخیھا کالعم والعمۃ المال کلہ للعم دون العمۃ[3]
اسی قاعدہ میں بھتیجیاں بھی شامل ہیں۔ جس کی صورت یوں بنے گی۔ کہ میت کے کل ترکے کو 120 حصوں میں تقسیم کیا جائے گا اس میں سے بیوہ کو پندرہ حصے دئے جائئں گے ۔اسی حصے بیٹیوں کو مل جائیں گے۔اور باقی پچس حصے سگے بھتیجوں کو مل جایئں گے اور بھتیجیاں محروم ہوجایئں گی۔
بیوہ بیٹیاں 5 سگے بھتیجے اور بھتیجیاں
ثمن ثلثین باقی مال محروم
15 80 25
بچیو ں کی شادی ہونے یا نہ سے ورثاء کے حصوں پر کوئی فرق نہیں پڑے گا ۔جو بچیاں شادی شدہ ہین وہ بھی میرث کی اُتنی ہی حقدار ہیں جتنی غیر شادی شدہ ہیں ۔
[3] : سراجی فی المیراث ص،17
